ساعات كده التليفون يرن و انت تبقى مش عايز ترد .. :(
ساعات كده تفتح تلاقى إنبوكس .. ماتفتحوش أصلاً و تكتفى بـ إنك تشوفه من برّه :(
ساعات كده تسمع اللى بيناديلك .. و ماتردش :(
......
ساعات تبقى فاتح "Online" و مش بتعمل حاجة .. بس تختار not here now :(
ساعات كده تبقى جايب كارت الشحن .. و رصيدك خلصان ... بس مكسّل تشحنه .. "أصل هاكلّم مين يعنى" :(
ساعات كده بابا و اللا ماما يكلموك و انت تبقى فى حالة توهان فـ تلاقى السؤال المعتاد : "إنت شارب حاجة ؟ .. مالك متنح كده؟" :(
ساعات كده بتبقى موجود .. بس مش موجود .. واخد أجازة غصب عن الكل ... حتى و انت موجود فى مكانك الطبيعى كل يوم ..:(
العقل ساعات بيختار ينسحب بمزاجه قبل ما ينسحب غصب عنّه
ليست هناك تعليقات:
إرسال تعليق