الايام زى امتحان والنتائج بالميزان
كل واحد ليه معاد لما بيأوون الاوان
واللى طالع فيها فوق واللى طامع فى الحقوق
بكرة يجى اليوم يفوق دى الحياة داين تدان
واللى ظلم الناس فى ايده ماشى متعكز عليه
دورى يا دنيا عليه وريه بعنيه
وقولـــــــــــــــــــــــــــــــــــي له
محال الحال
يدوم لو هو ايه
ده العمر حساب فى كتاب يشوف مكتوب له ايه
دنيا تلاهى تمللى تدور دنيا. ملاهى ومش بالدور
واللى بيشبط فيها بيحلم امتى تحن وياخد دور
بس هيعلى لغاية فين؟
لما يشوف الناس من فوق غيره بيجى عليه الدور!!
بالايام اتغطى وناسى ان ساعتها بتعريه
دورى يا دنيــــــــــــــا عليه
قلب لكل الناس مفتوح راضى برزقه وبالمسموح
تبتسم ايامه وتحلى علشان هى حلاوة روح
لكن وقت مايطمع فيها .حتى ترابها ما يملى عنيه
دورى يا دنيا عليـــــــــــــه...!!!!!!!!!
هناك تعليقان (2):
رائع بجد حمزه نمره ده
اه حمزة النمر
فنان محترم جداا وليه هدف
يسعدنى مرورك
تحياتى واحترامى
إرسال تعليق